Bakı. Aqşin Rafiqoğlu – APA-Economics. ABŞ-ın “Delta AirLines” aviaşirkəti çərşənbə axşamı 250-yə yaxın reysi təxirə salacaq.
“APA-Economics”in RİA “Novosti”yə istinadən məlumatına görə, reyslərin təxirə salınmasına səbəb aviadaşıyıcının kompüter sistemində yaranan nasazlığın aradan qaldırılması ilə bağlı işlərin hələ də davam etməsidir.
“Delta” şirkəti sistemdəki nasazlığı aradan qaldırana kimi, 250-yə yaxın reys təxirə salınr”, - deyə aviaşirkətin açıqlamasında deyilir.
Qeyd edək ki, “Delta AirLines” bazar ertəsi bütün dünya üzrə 1000-ə yaxın reysi təxirə salmaq məcburiyyətində qalıb. Bu gün isə şirkətdən bildirilib ki, reysləri 3 saatdan artıq uzadılan və ya təxirə salınan bütün sərnişinlərə 200 dollar məbləğində qəbz veriləcək. Bu qəbzləri “Delta AirLines”in xidmətlərindən istifadə zamanı istifadə etmək mümkün olacaq.
Qeyd edək ki, bazar ertəsi ABŞ aviadaşıyıcısının kompüter sistemində nasazlığın yaranmasına Atlanta ştatında elektrik enerjisinin kəsilməsi səbəb olub. Aviaşirkətin müştərilərinə hava limanına getməzdən əvvəl öz reyslərinin statusunu yoxlamaq məsləhət görülüb. Həmçinin qeyd edilib ki, hadisə zamanı havada olan “Delta AirLines” təyyarələrində vəziyyət normal olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
