Bakı - APA-Economics. Xocalı faciəsinin 24-cü ildönümü ilə əlaqədar “Azərsun Holdinq” silsilə tədbirlərə start verib.
“Azərsun Holdinq”dən “APA-Economics”ə verilən məlumata görə, şirkətlər qrupunun mədəniyyət mərkəzində soyqırım qurbanların xatirəsinə həsr olunan anım tədbiri təşkil olunub.
Azərbaycanın Dağlıq Qarabağ Azərbaycanlı icmasının dəstəyi ilə keçirilən tədbirdə icmanın sədri və Şuşa rayon icra hakimiyyətinin sədri Bayram Səfərov çıxış edib, Xocalı faciəsi haqqında, bu faciənin dünyada tanıdılması və soyqırım kimi qəbul edilməsi istiqamətində aparılan işlər barədə məlumat verib. O, bu istiqamətdə aparılan fəaliyyətlərdə Heydər Əliyev fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya ədalət" beynəlxalq kampaniyasının rolunu xüsusi qeyd edib.
Tədbirdə çıxış edən “Azərsun Holdinq” ictimaiyyətlə əlaqələr və biznesin inkişafına dəstək departamentinin müdiri Afiq Səfərov bu cür məlumatlandırma aksiyaların məhz ölkə xaricində təbliğinin xüsusi rolunu qeyd edərək, şirkətlər qrupunun da bu tədbirləri hər zaman dəstəklədiyini bildirib. Mərasimdə müəllif Enurə Abdullayevanın "Əsgər Papağı" film-tamaşası Bakı "Kölgə" teatrı tərəfindən nümayiş olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
