Gəncə. Azər Məmmədli – APA. Gəncə şəhərində yaşayış evində yanğın olub. APA-nın qərb bürosunun verdiyi məlumata görə, hadisə şəhərin Şahsevənlər küçəsində olan 108 saylı evdə qeydə alınıb. Alovu söndürmək üçün Gəncə Yanğındna Mühafizə İdarəsinin 4 yanğınsöndürən avtomobili və canlı qüvvəsi cəlb edilib. Evin mətbəxində yaranan yanğın söndürülüb, alovun qonşu tikililərə keçməsinin qarşısı alınıb.
Yanğının baş vermə səbəbləri araşdırılır.