Bakı-APA. Bu gün Şimali Koreya növbəti dəfə ballistik raketləri sınaqdan keçirib.
APA-nın RİA Novosti agentliyinə istinadən verdiyi xəbərə görə, Yapon dənizinə doğru daha üç ballistik raket buraxıb
Sınaqların nəticələri barədə məlumat verilmir. İlkin ehtimala əsasən, hərbçilər 300-700 kilometrdən hədəfi vura bilən “Scud” raketlərini sınaqdan keçirib.
Şimali Koreya ilin əvvəlindən Yapon dənizinə doğru bir neçə ballistik raket buraxıb. Bununla bağlı BMT Təhlükəsizlik Şurası martın əvvəlində KXDR-ə qarşı yeni sanksiyalar paketini yekdilliklə qəbul edib.