Bakı-APA. Kamerunda irimiqyaslı terror aktı törədilib.
APA-nın BBC-yə istinadən verdiyi məlumata görə, ölkənin şimal-şərqində baş vermiş iki partlayış nəticəsində azı 19 nəfər ölüb, 70 nəfər yaralanıb.
Xəsarət alanların bir çoxunun vəziyyəti ağır kimi qiymətləndirilir.
İlkin məlumata əsasən, iki nəfər qız terrorçu-kamikadze üzərilərindəki partlayıcı qurğunu bazarda işə salıblar.
Hadisəyə görə hələlik heç bir qruplaşma məsuliyyəti öz üzərinə götürməyib. Partlayışları “Boko Haram” terror təşkilatının üzvlərinin törətdiyi ehtimal olunur.