Bakı. Türbət Bağırova - APA. “Müasir dünya bir sıra vacib yeni çağırışlarla üzləşir. Bunlardan biri miqrasiyadır”.
APA-nın xəbərinə görə, bunu Bosniya və Herseqovina Rəyasət Heyətinin üzvü Mladen İvaniç deyib. O bildirib ki, miqrasiyaya bir tərəfdən müharibələr, digər tərəfdən isə yoxsulluq səbəb olur.
M. İvaniç qeyd edib ki, Bakı Qlobal Forumunda hazırkı prezidentlər və hələ də təsir qüvvəsinə malik sabiq prezidentlər və baş nazirlərin, məşhur şəxsiyyətlərin iştirakı çox vacib əhəmiyyət daşıyır: “Çünki onların bu sahədə təcrübələri çoxdur, siyasətin nə olduğunu yaxşı bilirlər və bu məsələlərlə bağlı vicdanlı fikirlər səsləndirə bilərlər. Foruma proqramın müəyyən edilməsi və həll yollarının tapılması üçün bu qədər adamın cəmləşməsi böyük uğurdur. Əlbəttə, bütün məsələləri bir görüşdə həll etmək olmur. Lakin müzakirə etdikcə həll yolları tapıla bilər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
