Bakı. Aqşin Rafiqoğlu - APA-Economics. Bu ilin yanvar-avqust aylarında Gürcüstan Azərbaycandan 201 755,9 min dollar dəyərində 967 674,4 kubmetr yanacaq qazı və digər qazlar idxal edib.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, ötən ilin eyni dövrü ilə müqayisədə 12,71% çoxdur. Keçən ilin analoji dövrü ilə müqayisədə Gürcüstandan ixrac olunan yanacaq qazının həcmi dəyər baxımından isə 14,13% artıb.
Bu ilin səkkiz ayında Gürcüstan Azərbaycandan 96 402,5 min dollar dəyərində 186 078,2 ton yanacaq və yanacaq yağları idxal edib. Bu, ötən ilin eyni dövrü ilə müqayisədə 6,56% çoxdur.
Ötən ilin yanvar-avqust ayları ilə müqayisədə isə Gürcüstandan ixrac olunan yanacaq və yanacaq yağlarının həcmi dəyər baxımından 1,64 dəfə azdır.
Qeyd edək ki, Azərbaycandan Gürcüstana ixrac olunan məhsulların 56,38%-i yanacaq qazı və digər qazlar, 26,94%-i isə yanacaq və yanacaq yağlarının payına düşür.
Xatırladaq ki, bu ilin yanvar-avqust aylarında Azərbaycandan Gürcüstana 357 814,2 min dollar dəyərində məhsul ixrac edilib. Bu, ötən ilin eyni dövrü müqayisədə 9,84% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
