Milli Məclisin Aqrar siyasət komitəsinin sədri Eldar İbrahimov, İctimai birliklər və dini qurumlar komitəsinin sədri Siyavuş Novruzov, deputatlar Elman Nəsirov və Ağalar Vəliyev Özbəkistanda keçiriləcək prezident seçkilərini izləmək üçün dekabrın 1-də Daşkəndə səfər edəcəklər.
Milli Məclisdən APA-ya verilən məlumata görə, parlamentin nümayəndə heyəti beynəlxalq müşahidəçi qismində seçki prosesini izləyəcək.
Deputatlar ölkədə seçkiqabağı hazırlıq işləri, məntəqələrdəki vəziyyətlə yaxından tanış olacaq, vətəndaşların fəallığını müşahidə edəcəklər. Səfər dekabrın 5-də başa çatacaq.