Kabildə partlayış nəticəsində ölənlərin sayı 35-ə çatıb.
APA-nın xəbərinə görə, bu barədə “Röyters” agentliyinin Əfqanıstan hökumətinin rəsmisinə istinadən yaydığı məlumatda deyilir.
Onu da bildirək ki, partlayışa görə məsuliyyəti “Taliban” üzərinə götürüb.
*** 08.02
Əfqanıstanın paytaxtı Kabildə törədilən partlayış nəticəsində ölənlərin sayı 20-yə çatıb.
APA-nın xəbərinə görə, bu barədə “Tolo News” telekanalı məlumat verib.
Terrorçu-kamikadze minalanmış avtomobili partladıb. Hadisə ölkənin tanınmış siyasətçilərindən biri, Əfqanıstan icra rəisinin ikinci müavini Məhəmməd Möhaqiqin evi yaxınlığında törədilib.
***
07:26
Əfqanıstanın paytaxtı Kabildə terrorçu-kamikadze özünü partladıb.
APA-nın RİA Novosti agentliyinə istinadən verdiyi xəbərə görə, partlayış Əfqanıstan icra rəisinin ikinci müavini Məhəmməd Möhaqiqin evi yaxınlığında törədilib.
Hadisə nəticəsində azı 2 nəfər ölüb, 6 nəfər yaralanıb. Partlayışa görə məsuliyyəti hələlik heç bir qruplaşma öz üzərinə götürməyib.
Qeyd edək ki, hazırda Əfqanıstanda baş nazir postu mövcud deyil. 2014-cü il prezident seçkilərindən sonra Milli Birlik Hökuməti təşkil edilib. Məhəmməd Əşrəf Qani ölkə prezidenti, Abdulla Abdulla isə icra rəisi vəzifəsini tutub.