Bu gün Bakı Apellyasiya Məhkəməsində dələduzluqda təqsirləndirilən Hicran Allahverdiyeva barəsindəki hökmdən zərərçəkmişlər tərəfindən verilən apellyasiya şikayətinə baxılıb.
APA-nın xəbərinə görə, hakim Faiq Qasımovun sədrliyi ilə keçirilən prosesdə H. Allahverdiyeva barəsində yenidən tibbi ekspertiza keçirilməsi haqqında qərar qəbul edilib.
Məhkəmə prosesi qeyri-müəyyən vaxtadək təxirə salınıb.
Qeyd edək ki, Bakı Ağır Cinayətlər Məhkəməsi H. Abdullayevanın cinayəti törədərkən anlaqsız vəziyyətdə olduğu qənaətinə gəlib. Onun barəsində 1 saylı Respublika Psixiatriya Xəstəxanasında məcburi müalicə təyin edilib.
İttihama görə, H. Allahverdiyeva bir qrup vətəndaşın etibarından sui-istifadə edərək, onlara qarşı dələduzluq edib. O, şirkət yaratmaq adı ilə vətəndaşları aldadıb və onların külli miqdarda pulunu ələ keçirib.
Cinayət işi üzrə 6 nəfər zərərçəkmiş şəxs qismində tanınıb. Onlara ümumilikdə 1 milyon 200 min manat miqdarında ziyan dəyib. H. Allahverdiyeva Cinayət Məcəlləsinin 178.3.2-ci (külli miqdarda ziyan vurmaqla dələduzluq törətmək) maddəsi ilə ittiham edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
