Gürcüstanda ana və azyaşlı övladının ölümü ilə nəticələnmiş yol qəzasını törətmiş Ermənistan vətəndaşını 10 ilə qədər həbs cəzası gözləyir.
APA-nın yerli bürosu Gürcüstan DİN-ə istinadən verdiyi məlumata görə, Ermənistan vətəndaşı, 1995-ci il təvəllüdlü Q.Ç. avqustun 5-də Surami rayonunda idarə etdiyi "Nissan Tiida" maşını ilə səkidə dayanmış 38 yaşlı ana və onun 5 yaşlı uşağını vurub.
Qəza nəticəsində ana və övladı ölüb.
Faktla bağlı cinayət işi açılıb. Ermənistan vətəndaşını 6 ildən 10 ilədək azadlıqdan məhrumetmə cəzası gözləyir. Ermənistan mətbuatının yazdığına görə, ölkənin Xarici İşlər Nazirliyi sözügedən yol-nəqliyyat hadisəsinin detallarını öyrənir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
