Tayvanın Xualyan şəhərində silsilə zəlzələlər nəticəsində 4 nəfər ölüb, 225 nəfər xəsarət alıb.
APA-nın RİA "Novosti" agentliyinə istinadən verdiyi məlumata görə, daha 145 nəfər itkin düşmüş sayılır.
Hazırda 1300 mütəxəssisin iştirakı ilə axtarış-xilasetmə tədbirləri davam etdirilir.
***
00.10
Tayvanın Xualyan şəhərində silsilə zəlzələlər nəticəsində 188 nəfər xəsarət alıb, onların arasında əcnəbilərin olub-olmadığı hələlik məlum deyil.
APA-nın “RİA Novosti”yə istinadən verdiyi xəbərə görə, yeraltı təkanlar şəhərdə ciddi dağıntılara səbəb olub, otel daxil olmaqla azı 5 bina qismən və tamamilə uçub. Damı uçmuş oteldən artıq 116 nəfərin təxliyə edildiyi bildirilir.
Nəqliyyatın hərəkətində, enerji təchizatında problemlər yaranıb, 560 ev işıqsız qalıb. Axtarış-xilasetmə işləri davam etdirilir.