Zaqataladada arvadını qətlə yetirməkdə təqsirləndirilən Aqşin Qədirovun cinayət işi üzrə ibtidai istintaq başa çatıb.
APA-nın məlumatına görə, cinayət işi üzrə materiallar baxılması üçün Şəki Ağır Cinayətlər Məhkəməsinə göndərilib.
Cinayət işi hakim Rəşid Hüseynovun icraatına verilib.
Qeyd edək ki, hadisə bu il Zaqatala-Qax avtomobil yolunun Muxax kəndi ərazisindən keçən hissəsində baş verib.
Rayonun Suvagil kənd sakini, 1982-ci il təvəllüdlü Büllurə Seyran qızı Qədirova əri Aqşin Qədir oğlu Qədirov tərəfindən bıçaqlanaraq qətlə yetirilib. Həyat yoldaşını qətlə yetirdikdən sonra hadisə yerindən qaçan ər tutulub.
Rayon hüquq-mühafizə orqanları əməkdaşlarının keçirdikləri əməliyyat-axtarış tədbirləri nəticəsində hadisəni törədən rayonun Suvagil kənd sakini Aqşin Qədir oğlu Qədirov rayon ərazisində tutularaq istintaqa təhvil verilib.
İlkin ehtimala görə, qətl qısqanclıq zəminində törədilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
