Göyçayda iki minik avtomobili toqquşub.
ONA-nın yerli bürosunun xəbərinə görə, hadisə bu gün axşam Göyçay-Ucar yolunun Çərəkə kəndi ərazisindən keçən hissəsində qeydə alınıb.
"İnfiniti" və "VAZ 2107" markalı minik avtomobillərinin toqquşması nəticəsində iki nəfər xəsarət alıb. Xəsarət alanlar - Göyçayın Yeniarx kənd sakini, 1990-cı il təvəllüdlü Abdullayev Taleh Əmraslan oğlu və Xəlitli kənd sakini, 1998-ci il təvəllüdlü Qasımov Anar Şakir oğlu müxtəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdirilib.
Hüquq-mühafizə orqanlarının əməkdaşları hadisə yerinə cəlb olunub.
Polisdən alınan məlumata əsasən, Göyçay rayon sakini Məhəmməd Məmmədov idarə etdiyi "99-EF-033" dövlət nömrə nişanlı "İnfiniti" markalı avtomobil qəzadan öncə bir piyadanı da vurub.
Faktla bağlı araşdırma aparılır.
Şahnəzər Bəşirov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
