Fövqəladə Hallar Nazirliyi Sabirabadda bir nəfərin ölümü ilə nəticələnən yanğınla bağlı məlumat yayıb. APA-nın FHN-nin saytına istinadən verdiyi xəbərə görə, rayonun Nərimankənd kəndində ümumi sahəsi 150 m2 olan (üst örtüyü qamışdan ibarət) birmərtəbəli 4 otaqlı evin çardağının yanar konstruksiyaları və bir otağı 20 m2 sahədə yanıb. Ev sahibinin həyat yoldaşı, 1962-ci il təvəllüdlü Qarayeva Kübra Nəsir qızı yanğınsöndürənlər tərəfindən tüstüdən zəhərlənmiş halda yanan evdən çıxarılıb və hadisə yerinə cəlb olunmuş həkim briqadasına təhvil verilib.
APA-nın Mil-Muğan bürosunun xəbərinə görə, K.Qarayeva xəstəxanaya aparılarkən yolda keçinib.
Evin qalan hissəsi və evə bitişik köməkçi tikili yanğından mühafizə olunub. Yanğın yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
