Bakı. Türbət Bağırova-APA. Azərbaycan Milli Məclisinin sədri Oqtay Əsədovun 2016-cı ilin əvvəlində Belarusa səfəri gözlənilir.
APA-nın xəbərinə görə, bu barədə Belarus Milli Məclisi Nümayəndələr Palatasının beynəlxalq münasibətlər komissiyasının sədri Vitaliy Busko BelTA agentliyinə müsahibəsində bildirib.
“Bundan əvvəl qarşıdan gələn səfəri müzakirə etmək məqsədilə Belarus parlamentinin Azərbaycanla əməkdaşlıq qrupunun Azərbaycana səfərini planlaşdırırıq”,- deyə Vitaliy Busko əlavə edib.
Qeyd edək ki, V. Busko Azərbaycanda keçirilən parlament seçkilərini izləyən MDB müşahidə missiyasının tərkibinə daxil idi.
Azərbaycanda olarkən o, müxtəlif ölkələrin millət vəkilləri, Azərbaycan Mərkəzi Seçki Komissiyasının yüksək səviyyəli rəsmiləri, siyasi partiyaların nümayəndələri, ictimai təşkilatlar, kütləvi informasiya vasitələrinin nümayəndələri ilə görüşlər keçirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
