Bakı. Məlahət Nəcəfova-APA. Avropa İttifaqı Rusiya vətəndaşlarına və Ukraynanın şərqindəki separatçılara (146 nəfər), habelə bu ölkələrdə qeydiyyatda olan 37 təşkilata qarşı sanksiyaları uzadıb.
APA-nın Avropa İttifaqı Şurasının saytına istinadən verdiyi məlumata görə, sanksiyaların son tarixi kimi 2017-ci ilin martın 15-i göstərilib.
Aİ Şurasının bəyanatında bildirilir ki, aktivlərin dondurulmasını nəzərdə tutan və Aİ ərazisinə girişi qadağan edən sanksiyalar Ukraynanın müstəqilliyi, ərazi bütövlüyü və suverenliyinə qarşı fəaliyyətlərə görə 2014-cü ilin martından tətbiq olunur. Sanksiyaların uzadılması ilə bağlı qərar sentyabrın 16-da Aİ-nin rəsmi jurnalında yer alacaq və bundan sonra qüvvəyə minəcək.