Bakı. Fərid Mirzəyev – APA. “Hazırda Azərbaycan Silahlı Qüvvələrini idarə olunan raketlərlə təchiz edirik”.
Bunu APA-ya Türkiyənin “Roketsan” şirkətinin İdarə Heyətinin sədri Mehmet Emin Alpman deyib.
O bildirib ki, “Roketsan” şirkəti Azərbaycan Silahlı Qüvvələrinin yüksək dəqiqliyə malik idarə olunan raketlərlə təchizatını həyata keçirəcək. M. Alpman qeyd edib, şirkət bu günədək Azərbaycan Silahlı Qüvvələrinə 107, 122 mm-lik raketləri, T 300 raket sistemlərini və onların döyüş sursatlarını çatdırıb: “Lakin hazırda Azərbaycana 40 km-ə qədər gedən 122 mm-lik idarə olunan və 90-110 km-ə qədər gedən idarə olunan T 300 raketlərini veririk. Çünki idarə olunan raketlər sərbəst gedən raketlərdən daha çox dağıdıcı gücə və dəqiqliyə malikdir. Dünən Azərbaycan prezidenti İlham Əliyev “ADEX 2016” beynəlxalq müdafiə sərgisində olarkən bizim stendi də ziyarət etdi və marağını ifadə etdi. “Roketsan”ın İdarə Heyətinin sədri olaraq bundan qürur duydum”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
