Bakı. Şəhriyar Əlizadə -APA. Bakı Apellyasiya Məhkəməsində hakimiyyət nümayəndəsinə zor tətbiq etmə və digər cinayətlərdə təqsirləndirilən şəxslərin apellyasiya şikayətləri üzrə məhkəmə başlayır.
Bu barədə APA-ya məlumat verən vəkil Elçin Sadıqov bildirib ki, şikayətə sentyabrın 19-da Bakı Apellyasiya Məhkəməsində baxılacaq.
Qeyd edək ki, bir müddət əvvəl Sabunçu Rayon Məhkəməsində ötən ilin noyabrında qanunsuz aksiyaya cəhd edən Müsəlman Birliyi Hərəkatının 6 üzvünə hökm oxunub.
Onlar Cinayət Məcəlləsinin 233-cü (İctimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci maddələri ilə (Hakimiyyət nümayəndəsinə qarşı müqavimət göstərmə və ya zor tətbiq etmə) ittiham olunublar.
Məhkəmənin qərarına əsasən, Rzayev Sahil Xalid oğlu 6 il 5 ay 15 gün, Vəliyev Niftəli Əşrəf oğlu 5 il 11 ay 10 gün, Əliyev Anar Yusif oğlu 5 il 11 ay, Bünyadov Elvin Hatif oğlu 6 il 1 ay 15 gün, Əhmədov Lətif Süleyman oğlu 5 il 11 ay 20 gün, Osmanov Teymur Adilxan oğlu 5 il 11 ay 15 gün azadlıqdan məhrum ediliblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
