Səudiyyə Ərəbistanının "Saudi Aramco" milli neft şirkəti 2021-ci ilin II rübündə 25,5 mlrd. ABŞ dolları həcmində xalis mənfəət əldə edib.
"APA-Economics"in şirkətin maliyyə hesabatına istinadən verdiyi məlumata görə, bu, ötən ilin eyni dövrü ilə müqayisədə 3,9 dəfə (288%) çoxdur. Cari ilin birinci yarısında isə şirkətin xalis mənfəəti 47,2 mlrd. dollar olub ki, bu da illik müqayisədə 2 dəfə (103%) çoxdur. II rübdə səhmdarlara 18,8 mlrd. dollar dividend ödənilib.
Şirlətin kapital xərcləri I rübdə 7,5 mlrd. dollar, 2021-ci ilin ilk yarısında isə 15,7 mlrd. dollar təşkil edib. Bu, illik müqayisədə müvafiq olaraq 20% və 15% çoxdur.
Neft nəhəngi qeyd edir ki, sözügedən göstəricilərin kəskin artımı qlobal neft bazarında bərpa olunan tələblə bağlıdır. Bundan əlavə, dünyada COVID-19 pandemiyası ilə bağlı olan məhdudiyyətlərin yumşaldılması, vaksinasiyanın miqyasının genişlənməsi və əsas bazarlarda müşahidə edilən canlanma kəskin mənfəət artımına öz töhfəsini verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
