"Azərbaycan İsveç üçün təbii resurslarla zəngin, neft-qaz, kənd təsərrüfatı sahəsində vacib ölkədir".
APA-nın xəbərinə görə, bunu İsveçin Azərbaycandakı müvəqqəti işlər vəkili Tomas Danestad deyib.
O bildirib ki, Azərbaycanın böyük insan potensialı var.
"Şadam ki, Azərbaycanla İsveç Yeni ilədək ikiqat vergitutmanın ləğvi haqqında razılaşmanı imzalamağı nəzərdə tutur", - deyə T. Danestad qeyd edib.
T. Danestad onu da bildirib ki, Azərbaycanda həyata keçirilən islahatlar xarici investisiyalar üçün şərait yaradır.