Bakı-Qazax magistral yolunda 6 nəfərin xəsarət alması ilə nəticələnən yol-nəqliyyat qəzası baş verib. APA-nın qərb bürosunun verdiyi məlumata görə, hadisə yolun 463-cü kilometrliyində, Ağstafa şəhəri ərazisində qeydə alınıb. Ağstafa rayon sakini, 1975-ci il təvəllüdlü Vaqif Ələkbərovun idarə etdiyi “Opel” markalı avtomobillə, Qazax rayonu Çaylı kənd sakini, 1964-cü il təvəllüdlü İman Məmmədovun idarə etdiyi “VAZ 2106” markalı maşın toqquşub. Qəza zamanı hər iki avtomobilin sürücüsü və sərnişinlər - Qazax rayonunun Ağköynək kənd sakini, 1950-ci il təvəllüdlü Rahilə Poladova, Çaylı kənd sakini, 1949-cu il təvəllüdlü Ceyran Poladova, Ağstafa şəhər sakinləri, 1979-cu il təvəllüdlü Aybəniz İsrafilova və 1952-ci il təvəllüdlü Hürü Bayramova müxtəlif bədən xəsarətləri alaraq Ağstafa rayon Mərkəzi Xəstəxanaya yerləşdiriliblər. Onlardan iki nəfərin vəziyyəti orta-ağır, digərlərininki isə normal qiymətləndirilir.
Azər Məmmədli
Faktla bağlı Baş Dövlət Yol Polisi İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
