Lənkəranda iki nəfərin xəsarət alması ilə nəticələnən yol-nəqliyyat hadisəsi baş verib.
APA-nın cənub bürosunun verdiyi məlumata görə, hadisə Liman-Nərimanabad-Balıqçılar yolunun Liman şəhəri ərazisindən keçən hissəsində qeydə alınıb. “VAZ-21011” markalı minik avtomaşını yoldan çıxaraq elektrik dirəyinə çırpılıb.
Nəticədə avtomaşında olan iki nəfər - sürücü və bir qadın xəsarət alaraq Lənkəran Mərkəzi Rayon Xəstəxanasına yerləşdirilib.
Faktla bağlı araşdırma aparılır.