Hadisə

Ana səhifə

Hadisə

Adnan Hacızadə və Emin Milli barəsində başlanmış cinayət işi məhkəməyə göndərilib

26 avqust 2009 15:46 (UTC +04:00)

Bakı. Hafiz Heydərov-APA. Adnan Hacızadə və Emin Milli barəsində başlanmış cinayət işi üzrə ibtidai istintaq tamamlanaraq baxılması üçün Səbail rayon Məhkəməsinə göndərilib. Bu barədə APA-ya Respublika Baş Prokurorluğunun mətbuat xidmətinin rəhbəri Eldar Sultanov məlumat verib.

Təqsirləndirilən şəxslərin vəkili İsaxan Aşurov isə APA-ya açıqlamasında A. Hacızadə və E. Millinin məhkəmə istintaqının Səbail rayon Məhkəməsinin hakimi Araz Hüseynovun icraatında olduğunu bildirib.

Qeyd edək ki, A. Hacızadə və E. Milli bu il iyulun 9-da Bakıda yerləşən “Lebonese” restoranında baş vermiş insidentə görə saxlanılıblar. Onlar Cinayət Məcəlləsinin 127.2.3-cü və 221.2.1-ci maddələri ilə ittiham olunurlar. Səbail rayon Məhkəməsi A. Hacızadə və E. Milli barəsində iki ay müddətinə həbs-qətimkan tədbiri seçilib.