Bakı-APA. Səudiyyə Ərəbistanı Suriyada atəşkəsin əldə olunmasına dair razılaşmanı alqışlayır.
APA-nın “RİA Novosti”yə istinadən verdiyi xəbərə görə, bu barədə Səudiyyə Ərəbistanı XİN-nin məlumatında bildirilir.
“Səudiyyə Ərəbistanı Suriyada müvəqqəti atəşkəs rejiminin başlanmasını maraqla izləyir və əldə olunan razılaşmanı alqışlayır”, - deyə bəyanatda bildirilir.
Qeyd edək ki, sentyabrın 12-dən etibarən Rusiya və ABŞ arasında Suriyada atəşkəsə dair əldə olunan razılaşma qüvvəyə minib.