Bakı. Məlahət Nəcəfova - APA. ABŞ-da əlverişsiz hava şəraiti səbəbindən ölənlərin sayı 41 nəfərə çatıb.
APA-nın “Associated Press”ə istinadən məlumatına görə, ölüm halları yol-nəqliyyat hadisələri, dəm qazından boğulma, qarın təmizlənməsi zamanı infarkt keçirmə nəticəsində baş verib. Ölənlərin əksəriyyəti Vaşinqton, Delaver, Merilend, Nyu-Cersi, Nyu-York, Şimali və Cənubi Karolina, Ohayo, Pensilvaniya, Tenessi və Virciniya şəhərlərinin sakinləridir.
Xatırladaq ki, yanvarın 22-də ABŞ-da 90 milyon nəfərin yaşadığı ərazilərdə güclü qar yağmağa başlayıb. Kəskin soyuq və buzlaşma səbəbindən 11 ştatda fövqəladə vəziyyət elan olunub. Nyu-Yorkda avtomobillə hərəkət qadağan, bəzi şəhərlərdə əhaliyə çölə çıxmamaq tövsiyə edilib.
Bəzi ərazilərdə qarın hündürlüyü 70 santimetr olub. 200 evə elektrik enerjisinin verilişi kəsilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
