Tehran. Süleyman Fərzəliyev - APA. İranın Sarvan-Xaş magistral yolunda yanacaq daşıyan yük maşını ilə “Toyota” markalı minik avtomobili toqquşub.
APA-nın Tehran bürosunun məlumatına görə, avtomobillərin toqquşması nəticəsində avtomobillərin sürücüləri yanaraq hadisə yerində ölüblər. “Toyota” tipli avtomobilin qanunsuz yolla İrana keçən Əfqanıstan vətəndaşlarını daşıdığı açıqlanıb.
Əfqanıstan vətəndaşlarından 5 nəfər hadisə yerində 7 nəfər isə xəstəxanaya aparılarkən yolda həyatını itirib.
Hadisə nəticəsində 11 nəfərin isə xəsarət aldığı bildirilir. Onlar Xaş və Sarvan şəhər xəstəxanalarına çatdırılıb.
Sarvan şəhəri İranın Sistan və Bəlucistan əyalətinin Zahidan şəhərinin 347 kilometr cənub şərqində Pakistanla sərhəddə yerləşir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
