Bu ilin yanvar-mart aylarında Gürcüstanın xarici ticarət dövriyyəsi 2 mlrd. 823,8 mln. dollar təşkil edib.
APA-nın yerli bürosu Gürcüstanın Milli Statistika İdarəsinin ilkin hesabatına istinadla xəbər verir ki, bu göstərici ötən ilin analoji göstəricisi ilə müqayisədə 23,3% çoxdur.
Cari ilin I rübündə qonşu ölkənin ixracı 28,4% artaraq 740,3 mln. dollar, idxalı isə 21,6% artaraq 2 mlrd. 083,4 mln. dollar təşkil edib.
Ticarət dövriyyəsinin kəsri 1 mlrd. 343,1 mln. dollar olub.