Neftçalada narkotik vasitələrin qanunsuz dövriyyəsi ilə məşğul olan şəxs tutulub.
Daxili İşlər Nazirliyinin mətbuat xidmətindən APA-ya verilən məlumata görə, Neftçala Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Bankə qəsəbə sakini, əvvəllər məhkum olunmuş Bəxtiyar Bəşirovdan 250 qram marixuana götürülüb.
Onun evinə baxış zamanı isə 1 kiloqram 950 qram marixuana və "TOZ-8" markalı silah da aşkar edilərək müsadirə olunub.