Bakının Qaradağ rayonunda ailə-məişət zəminində bıçaqlanma hadisəsi baş verib.
APA xəbər verir ki, hadisə Ümid qəsəbəsində qeydə alınıb.
1981-ci il təvəllüdlü Həmidov Arif Sabir oğlu və onun qardaşı 1985-ci il təvəllüdlü Həmidov Təşəkkür Sabir oğlu yaşadıqları evdə qonaq olan dayısı oğlu ilə mübahisə ediblər. Nəticədə hər iki qardaş bıçaqlanıb. Yaralılar 1 saylı şəhər xəstəxanasına yerləşdiriliblər. Həkimlərin verdiyi məlumata görə, T.Həmidovun vəziyyəti ağırdır.
Qaradağ Rayon Polis İdarəsinin əməkdaşları hadisəni törədən şəxsi saxlayıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
