Bakı. Fərid Mirzəyev – APA. 2015-2016-cı dərs ilində ümumi təhsil müəssisələrinin I sinfinə qəbul olan şagirdlərin sayı 157 000-ə yüksəlib. APA-nın xəbərinə görə, bu barədə Təhsil Nazirliyinin 2015-ci təqvim ilinin təhsil xronikasında qeyd olunub.
Bildirilib ölkədə müsbət demoqrafik vəziyyət nəticəsində son illərdə I sinfə gələn şagirdlərin sayında əhəmiyyətli artım müşahidə edilir: “Belə ki, 2013-cü ildə I sinif şagirdlərinin sayı 138 000, 2014-cü ildə isə 152 000 nəfər olub. 2015-2016-cı tədris ilində ümumi təhsil müəssisələrində 1 359 173 şagird təhsil alır”.
Qeyd olunub ki, 2015-2016-cı dərs ilində məktəblərdə tədris prosesi iyunun 14-dək davam edəcək: “Nəticədə 5 günlük tədris həftəsi ilə çalışan məktəblərdə dərs günlərinin sayı 172-ə, 6 günlük tədris həftəsi tətbiq edilən məktəblərdə isə 209 günə çatacaq”.