Bakı - APA. Türkiyə öz hava məkanının pozulmasının qarşısını almaq hüququnu özündə saxlayır. APA-nın məlumatına görə, bu barədə Türkiyə XİN-in rəsmi nümayəndəsi Tancu Bilqic bildirib.
“Bizim hava məkanımızın pozulması hallarının qarşısını almaq, lazımi tədbirlər görmək və müvafiq şəkildə cavab verməyə dair beynəlxalq qanunvericiliyə əsaslanan suveren hüququmuz var”, - deyə Türkiyə XİN-in saytında dərc olunmuş materialda bildirilir.
Məlumatda qeyd olunur ki, Türkiyənin hava məkanının pozulması konkret nəticələrlə yekunlaşacaq və bunun məsuliyyəti Rusiyanın üzərinə düşəcək.
Qeyd edək ki, Rusiya Hərbi-Hava Qüvvələrinə məxsus "SU -34" təyyarəsi yanvarında 29-da Suriya istiqamətindən Türkiyənin hava məkanını pozub.