Gəncə. Azər Məmmədli – APA. Gədəbəydə qayadan qopmuş daş parçası yaşayış evinin divarını dağıdıb və ev sakinini yaralayıb.
APA-nın qərb bürosunun verdiyi məlumata görə, hadisə rayonun Çalburun kəndində qeydə alınıb. Kənd sakini, 1942-ci il təvəllüdlü Kəhriz Quliyevanın yaşadığı evin yaxınlığında olan qayadan qopan daş parçası yuvarlanaraq qadın yaşadığı evin hasarını və evin divarını dağıdıb.
Hadisə zamanı daş parçaları K. Quliyevanın başına dəyib. O müxtəlif xəsarətlər alaraq Gəncə şəhər Təcili Tibbi Yardım xəstəxanasına yerləşdirilib. K. Quliyevaya alın sümüyünün sınığı və başın müxtəlif hissələrinin çapılmış əzilmiş yarası diaqnozu qoyulub. Vəziyyətinin orta ağır olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
