Bakı. Zümrüd Paşayeva – APA. İran xarici işlər naziri Məhəmməd Cavad Zərif Avropa İttifaqının xarici işlər və təhlükəsizlik siyasəti üzrə ali komissarı Ketrin Eştonla görüşüb.
APA - nın İRNA agentliyinə istinadən verdiyi xəbərə görə, görüş Nyu-Yorkda baş tutub.
Tərəflər Tehranın nüvə proqramı ilə bağlı müzakirələrin bundan sonra necə davam edəcəyini müzakirə ediblər.
Qeyd edək ki, Tehranın nüvə proqramı ilə bağlı Nyu-Yorkda keçiriləcək görüşlər çərçivəsində İran və ABŞ rəsmilərinin görüşü gözlənilir.