Bakı - APA. Türkiyənin Rizə vilayətinin Ardeşen rayonunda keçirilən III Beynəlxalq Ardeşen Offroad yarışları başa çatıb.
APA-nın xəbərinə görə, Azərbaycan Avtomobil Federasiyasının dəstəyi ilə bu yarışlarda təmsil olunan Offroad milli komandamız - pilot Azər Abıyev və şturman Vaxtanq Sakhokia S2 kateqoriyasında I yeri, ümumi kateqoriya yarışlarda isə II yeri tutub.
Xatırladaq ki, avqustun 30-31-də keçirilən III Beynəlxalq Ardeşen Offroad yarışlarında Azərbaycan, Türkiyə, Gürcüstan, İran və Ermənistandan 100-ə qədər idmançı iştirak edib.