Xarici siyasət

Ana səhifə

Xarici siyasət

Metyu Brayza: “Moskva Bəyannaməsinin imzalanması ATƏT-in Minsk Qrupunun bütün həmsədrlərinin səyləri nəticəsində mümkün olub” - EKSKLÜZİV

Metyu Brayza: “Moskva Bəyannaməsinin imzalanması ATƏT-in Minsk Qrupunun bütün həmsədrlərinin səyləri nəticəsində mümkün olub” - <font color=red>EKSKLÜZİV</font>

04 noyabr 2008 08:58 (UTC +04:00)

Bakı. Viktoriya Dementyeva-APA. ATƏT-in Minsk Qrupunun amerikalı həmsədri Metyu Brayzanın APA-ya müsahibəsi

- Azərbaycan, Ermənistan və Rusiya prezidentlərinin son görüşünü və onların imzaladığı Cənubi Qafqazda mühitin sağlamlaşdırılması haqqında bəyannaməni necə dəyərləndirirsiniz?

- Noyabrın 2-də bəyannamə imzalanması çox mühüm hadisədir. Azərbaycan və Ermənistan prezidentləri Dağlıq Qarabağ münaqişəsinin siyasi nizamlanması çərçivəsində diskussiyaları aktivləşdirmək, bu prosesin ATƏT-in Minsk Qrupu kontekstində, o cümlədən bizim artıq 3 ildir üzərində işlədiyimiz baza prinsipləri əsasında davam etdirmək niyyətini təsdiqlədilər. Danışıqlar prosesində sürətli irəliləyişə nail olmaq üçün həmsədrlərə prezidentlərin bu dəstəyi lazım idi. Bundan başqa ATƏT-in Minsk Qrupunun həmsədrləri yalnız vasitəçilərdir, qərarları prezidentlər qəbul edir.

- Bu bəyannamə münaqişənin nizamlanması prosesinə necə təsir göstərəcək?

- Cənubi Qafqazda mühitin sağlamlaşdırılması haqqında bəyannamə pozitiv təkan olacaq. Mühüm fakt odur ki, bu sənəd hər iki prezidentin müsbət əhval-ruhiyyəsini əks etdirir, bunsuz isə danışıqların davamı mümkün deyil.

- Belə bir fikir mövcuddur ki, Moskva görüşündən sonra ABŞ münaqişənin nizamlanmasına dair danışıqlar prosesindən kənarda qalıb, Rusiya isə bu məsələdə təşəbbüsü öz üzərinə götürüb...

- ABŞ danışıqlarda irəliləyişlərə nail olmaq üçün ATƏT-in Minsk Qrupu və hər iki ölkənin liderləri ilə aktiv əməkdaşlığı davam etdirir. Bizim səylərimiz bəzən o qədər də nəzərə çarpmır, bəzən isə daha çox gözə görünür. Ötən həftə Rusiya daha gözəçarpan yolla getməyə, öz səylərini nəzərə çarpdırmağa qərar verdi və bəyannaməni hazırlamağa kömək etdi. Lakin bu nəticə həm də ATƏT-in Minsk Qrupunun bütün həmsədrlərinin səyləri nəticəsində mümkün olub.

- Hazırda həmsədrlərin əlində Dağlıq Qarabağ münaqişəsinin nizamlanmasına dair konkret plan varmı?

- Əlbəttə ki, həmsədrlər Dağlıq Qarabağ münaqişəsinin nizamlanmasına dair konsepsiya hazırlayıblar. Bu konsepsiyanın baza prinsipləri, bizim “Madrid təklifləri” adlandırdığımız prinsiplər ATƏT-in Madrid sammitində müəyyənləşdirilib. Yadda saxlamaq lazımdır ki, Madrid təklifləri yalnız əsas prinsipləri nəzərdə tutur və hər iki ölkənin prezidentləri bu prinsiplərə əlavə edə və dəyişdirə bilər.

- ATƏT-in Minsk Qrupu həmsədrlərinin növbəti görüşünün tarixi və yeri məlumdurmu?

- Həmsədrlər hər iki ölkənin rəhbərləri ilə görüşmək və dekabrın əvvəllərində ATƏT Xarici İşlər Nazirləri Şurasının Helsinki toplantısı çərçivəsində XİN başçılarının görüşünü hazırlamaq məqsədilə yaxın günlərdə regiona səfər edəcəklər. Ümidvarıq ki, bu görüşlər zamanı Azərbaycan və Ermənistan prezidentlərinin növbəti görüşünün təşkili üçün tərəflərə yardımçı ola biləcəyik.

- Həmsədrlərin ATƏT sədri Aleksandr Stubbla görüşü və atılacaq növbəti addımları müzakirə etməsi nəzərdə tutulurmu?

- Biz ATƏT-in hazırkı sədri ilə mütəmadi məsləhətləşmələr aparırıq və yaxın gələcəkdə növbəti məsləhətləşmələr planlaşdırırıq. ATƏT-in hazırkı sədri, Finlandiyanın xarici işlər naziri Aleksandr Stubbla müxtəlif məsələlər üzrə məsləhətləşmələr aparmaq şərəfi mənə nail olub. Deməliyəm ki, o, ATƏT sədri postunda özünü çox yaxşı göstərib.

Dağlıq_Qarabağ_münaqişəsi