“Qoşulmama Hərəkatı "soyuq müharibə"dən qurtulmaq üçün təsis edilib, xalqlarımızın sülh şəraitində yaşamasını istəmişik”.
APA-nın məlumatına görə, bunu bu gün Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə debat müzakirələrində Cibuti Respublikasının Prezidenti İsmail Ömər Qelleh deyib.
O qeyd edib ki, hazırda kütləvi qırğın silahlarının yayılmaması, yoxsulluq və terrorizmə qarşı mübarizə, ətraf mühitin qorunması kimi məsələlər aktualdır: “Sülh və təhlükəsizlik istəyiriksə, üzv dövlətlər belə problemlərlə qarşılaşanda, buna diqqət yetirməliyik. Biz BMT-də islahatların həyata keçirilməsi, BMT-nin mövqeyinin gücləndirilməsi üçün təkliflərimizi vermişik. BMT Təhlükəsizlik Şurasının növbəti qeyri-daimi üzvlərinin seçilməsi zamanı Afrika ölkələrinin, o cümlədən Cibutinin namizədliyinin dəstəklənməsini istəyərdik. Bu, BMT Təhlükəsizlik Şurasında qətnamələrin qəbulunda Afrika ilə bağlı məsələlərin nəzərə alınmasını təmin edə bilər”.
İsmail Ömər Qelleh Cibutinin Fələstin xalqına dəstək verdiyini də bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
