Rusiyanın BMT-dəki (BMT) daimi nümayəndəsinin müavini Dmitri Polyanski Türkiyə-Ermənistan münasibətlərinin normallaşmasını təqdir etdiklərini bildirib.
APA-nın yerli bürosunun xəbərinə görə, o, bu barədə “Anadolu” agentliyinin sualına cavab olaraq bildirib.
Diplomat deyib ki, Rusiya yaxın regional əməkdaşlığın tərəfdarıdır: “Biz Türkiyə-Ermənistan münasibətlərinin normallaşmasını alqışlayırıq. Görüşün Moskvada keçirilməsi sürpriz deyil. Bildiyiniz kimi, həm Türkiyə, həm də Ermənistanla yaxşı tərəfdaşlığımız var və biz iqtisadi və regional əməkdaşlığı təşviq edirik”.
O, bunun çox həssas bir proses olduğunu vurğulayıb. Diplomat tərəflər arasında şübhə olduğunu da əlavə edib: “Ona görə də bunun öhdəsindən gəlmək lazımdır. Əgər bacarsaq, bu əlaqələrin bərpasından tək iki ölkə deyil, bütün dünya faydalanacaq. Hazırda bundan olduqca uzağıq. Addım-addım irəliləyib, bu məsələni həll etmək mümkündür”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
