Məlum olduğu kimi bu gün Ermənistanda ictimai-siyasi gərginlik davam edir, gərginliyin əsas körükçüsü isə Baqrat Qalstanyan adında din dəllalıdır.
APA-nın xəbərinə görə, bunu Milli Məclisin bu gün keçirilən iclasında deputat Ceyhun Məmmədov bildirib.
Deputat deyib ki, ayın 26-da Baqrat Qalstanyan yenidən “izdihamlı” mitinqlər təşkil etməyi planlaşdırır: “Tarix boyu Azərbaycanlılarla ermənilərin dinc şəraitdə yaşamasına mane olan əsas qurumlardan biri də erməni kilsəsi olub. Kilsə bu gün də eyni siyasəti davam edir. Əslində, səmavi dinlərin tarix boyu bəşəriyyətə göndərilməsinin əsas səbəbi xalqlar arasında sülhü və barışı təmin etmək olub. Heç bir din insanlığı müharibəyə və düşmənçiliyə çağırmayıb. Bu addımlarla erməni kilsəsi öz dininə və onun ehkamlarına da xəyanət edir. Bəs yaxşı Baqrat erməni cəmiyyətinə nə təklif edir. Sülhün alternativi müharibədir. Ermənistan dövləti və cəmiyyəti müharibəyə hazırdırmı? Hesab edirəm ki, erməni xalqı bu saxtakar keşişə və onun arxasında qorxaqcasına gizlənən köhnə rejimin qalıqlarına öz yerini göstərməlidir”.
Deputat Tural Gəncəliyev qeyd edib ki, Ermənistan-Azərbaycan arasında münasibətlər normallaşanda bəzi ünsürlər ortaya çıxır, prosesə ziyan vurmağa çalışır: "İndi bu ünsürlər keşişlərdir: “Bundan əvvəl sülhə töhfə verməyə çalışan keşişlər indi revanşizmə gedir, erməni xalqının sarı siminə toxunaraq, proseslərə zərər vurmağa çalışırlar. İllər əvvəl erməni keşişləri harada köhnə, qədim kilsə görürdülər, girib orada şam yandırırdılar və bunu erməni kilsəsi adlandırırdılar. Avropa siyasətçiləri də din amilini dəstəkləməklə erməni xalqını revanşizmə sürükləməyə şərait yaradırlar. Ermənistanın müasir yolu erməni siyasi elitası diasporun və kilsənin manipulyasiyasından özünü azad etməli və nəhayət qonşuları ilə mehriban yaşamağa başlamalıdır. Bu halda Fransanın da kilsə üzərindən erməni xalqını revanşizmə sürükləməsinin qarşısını almış olacaq”
Sədr Sahibə Qafarova sosial şəbəkələrdə fəal olan deputatlara müraciət edib: “Dil bilən deputatlar bildikləri dillərdən istifadə edərək sosial şəbəkələrdə, müxtəlif media qurumlarında aktiv olmalıdır, bu reallıqları diqqətə çatdırmalıdır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
