Kanadanın Ontario ştatında baş verən yol qəzasında xəsarət alanların hamısı Çin vətəndaşlarıdır.
APA-nın məlumatına görə, bu barədə CBC telekanalı xəbər verib.
Məlumata əsasən, qəza zamanı turist avtobusunda 37 çinli turist olub. Onlardan 24-ü müxtəlif dərəcəli xəsarətlər alaraq xəstəxanaya yerləşdirilib, 4-ün vəziyyəti ağır kimi qiymətləndirilir.
Qəza Ottavadan 100 km cənubda yerləşən Preskot şəhəri yaxınlığında qeydə alınıb. Naməlum səbəbdən avtobus yoldan çıxaraq xəndəyə düşüb. Hadisənin səbəbləri araşdırılır.
***
02:30
Kanadanın Ontario əyalətində ağır yol qəzası baş verib.
APA-nın məlumatına görə, bu barədə CTV xəbər verib.
Məlumata əsasən, sərnişin avtobusu yoldan çıxaraq xəndəyə düşüb. Qəza nəticəsində azı 24 nəfər xəsarət alıb. Yaralılar xəstəxanaya çatdırılıb, onlardan 4-ün vəziyyəti ağır kimi qiymətləndirilir.
Hadisənin səbəbləri müəyyənləşdirilir.