Bakı. Zümrüd Paşayeva – APA. Rusiya prezidenti Vladimir Putin ABŞ-ı dünyanın tarazlığını pozmaqda ittiham edib.
APA-nın “Russia Today”a istinadən verdiyi xəbərə görə, V. Putin “Valday” forumunda çıxışı zamanı bildirib ki, Vaşinqton dünyanı öz maraqlarına uyğun formalaşdırmağa çalışır.
Rusiya prezidenti ABŞ-ı ekstremist qrupları maliyyələşdirməkdə də günahlandırıb. “Tərəfdaşlarımız yenidən eyni səhvlərə yol verirlər. Bir zamanlar onlar Əfqanıstanda SSRİ-yə qarşı islamçı ekstremist qüvvələri maliyyələşdirirdilər. Elə bu səbəbdən “Taliban” və “Əl-Qaidə” yarandı”, -deyə o vurğulayıb.
V. Putin həmçinin Qərbin Rusiya və Orta Asiya ölkələrində baş qaldıran beynəlxalq terror təhdidlərinə göz yumduğunu deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
