Bakı. Anaxanım Hidayətova – APA. Ötən gecə Misirdə prezident Məhəmməd Mursi tərəfdarları və qarşı tərəf arasında baş verən toqquşmalar nəticəsində ən azı dörd nəfər ölüb, 30 nəfər yaralanıb. APA-nın “Əl-Ərəbiyyə” telekanalına istinadən yaydığı məlumata görə, qarşıdurmalar Mursinin bir neçə yüz tərəfdarının Qahirədə ABŞ səfirliyi istiqamətində yürüşü zaman baş verib. Nümayişçilər ABŞ-ın Misirin daxili işlərinə qarışmasına etirazlarını bildirmək üçün ABŞ səfirliyi istiqamətinə hərəkət edərkən Təhrir meydanında Mursi əleyhdarları ilə qarşılaşıblar. Tərəflər bir-birlərinə daş atmağa başlayıblar. Polis nümayişçiləri dağıtmaq üçün gözyaşardıcı qazdan istifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
