Bakı. Viktoriya Dementyeva – APA. BMT Baş Assambleyası təşkilatın 2014-2015-ci il büdcəsini 5,5 milyard dollar həcmində təsdiqləyib. APA-nın İTAR-TASS agentliyinə istinadən verdiyi məlumata görə, bu məbləğ ötən iki illik dövrdəki büdcədən 1% azdır. Təşkilatın tarixində ilk dəfə olaraq qurum daxilində 2% həcmində ixtisar aparılacaq və 200-dən çox vəzifə ləğv olunacaq. Üzv ölkələr 1 il müddətində kompensasiyalar və 2 il müddətində mükafatların dondurulması qərarına da gəliblər.
Qeyd edək ki, BMT-nin büdcəsi ölkələrin üzvlük haqqı hesabına formalaşır. Təşkilatın ən böyük sponsoru ABŞ-dır. Bu ölkə qurumun xərclərinin 22%-ni ödəyir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
