Bakı. Fuad Cəfərov - APA. Bakıda yol qəzası qeydə alınıb.
Sabunçu Rayon Polis İdarəsindən APA-ya verilən məlumata görə, Bakı şəhər sakini Nazim Xanməmməd oğlu Göyçəyev 15-ci Polis Bölməsinə ərizə ilə müraciət edərək bildirib ki, ona məxsus “Mercedes” markalı, 90-MF-549 dövlət nömrə nişanlı maşını avtomobil təmiri sexində Səid adlı ustaya təmir üçün verib.
Səid həmin avtomobili qeyri-qanuni idarə edərkən Kürdəxanı qəsəbəsində Bakı şəhər sakini, Nərminə Namiq qızı Muradovanın idarə etdiyi “Hyundai” markalı avtomobillə toqquşub.
Nəticədə “Hyundai”-nin sürücüsünün bacısı Gülsüm Namiq qızı Muradova xəsarət alıb.
Hazırda polis ərizə üzrə araşdırma aparır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
