Afrika

Ana səhifə

Afrika

Misir prezidenti bəyan edib ki, o istefaya gedə bilmir

04 fevral 2011 00:46 (UTC +04:00)

Bakı-APA. Prezident Hüsnü Mübarək ABC News telekanalına bildirib ki, o istefaya getmək istəyir, lakin ehtiyat edir ki, onun hakimiyyətdən getməsi ilə ölkədə xaos hökm sürəcək.
APA-nın bbc.com saytına istinadən verdiyi xəbərə görə, Mübarək deyib: “mənə hakimiyyət lazım deyir. 62 illik iş həyatı ərzində hakimiyyəti çox olub”.
Bu arada Misirdə hökumət əleyhinə nümayiş edənlər prezident Hüsnü Mübarəkin tərəfdarlarını Qahirənin Təhrir meydanı ətrafındakı bəzi küçələrdən sıxışdırıb çıxarıblar.
Hər iki tərəf bir-birinə daş atıb və bir neçə dəfə atəş səsi eşidilib.
İki tərəfi ayırmağa çalışan ordu hissələri kütlələrə nəzarəti əldən veriblər.

Bu arada, ölkənin vitse-prezidenti Ömər Süleyman cənab Mübarəkin oğlu Qamalın prezidentliyə namizəd olmayacağını deyib.
Çərşənbə axşamı etdiyi televiziya çıxışında Mübarək bu ilin sentyabrında hakimiyyəti təhvil verəcəyini söz verib, lakin oğlu haqda bir söz deməmişdi.
Baş nazir Əhməd Şəfiq baş vermiş savaşa görə üzr istəyib.
Toqquşmalarda 9 nəfər ölüb, yüzlərlə insan yaralanıb.
Əhməd Şəfiq baş verənlərin təhqiq ediləcəyini deyərək, bunları "fəlakət" adlandırıb.
Mübarəkin tərəfdarlarının xarici jurnalistlərə hücum etdikləri və bir neçə mehmanxanaya daxil olduqları xəbər verilir.
Misir müxalifətinin lideri Məhəmməd əl-Baradey və Müsəlman Qardaşlığı təşkilatı hökumətin danışıq təklifini rədd edib. Onlar Mübarəkin istefasının birinci addım olmalı olduğunu deyiblər.