Bakı - APA-Economics. Asiya İnkişaf Bankı (AİB) Bakı-Sumqayıt dəmir yolunun yaradılması və inkişafı layihəsinin (Baku-Sumgayit Commuter Rail Service Project) reallaşdırılmasına 100 mln. ABŞ dolları məbləğində kredit ayırmağı planlaşdırır.
"APA-Economics"in xəbərinə görə, bu barədə bankın saytında yer alan məlumatda qeyd edilib.
Məlumata əsasən, layihənin ümumi dəyəri 150 mln. dollar məbləğində qiymətləndirilir. Bunun 100 mln. dolları AİB-dən kredit formasında cəlb ediləcək, 50 mln. dollarını isə Azərbaycan hökuməti yatıracaq.
AİB-in Direktorlar Şurası kreditin ayrılması məsələsinə cari ilin noyabrın 20-də baxacaq.
Bakı-Sumqayıt dəmir yolunun ümumi uzunluğu 28 km təşkil edəcək.
Bu layihənin reallaşdırılması avtomobil yollarında sıxlığı azaltmağa, eləcə də Bakı və Sumqayıt şəhərləri arasında davamlı ictimai nəqliyyat yaratmağa imkan verəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
