Bakı. Hafiz Heydərov - APA. Ceyranbatan qəsəbəsində avtomobil su kanalına düşüb. Fövqəladə Hallar Nazirliyi Xüsusi Riskli Xilasetmə Xidmətindən APA-ya verilən məlumata görə, dekabrın 14-ü saat 05.48-də 112 Xidmətindən Abşeron rayonu Bakı-Quba magistral yolunun Ceyranbatan qəsəbəsindən keçən hissəsində yol-nəqliyyat qəzasının baş verməsi və vətəndaşın köməyə ehtiyacı olması barədə məlumata əsasən, Abşeron rayonu Xırdalan şəhəri üzrə xilasedicilər qrupu və xilasedici-dalğıclar qrupu hadisə yerinə çıxıb.
Hadisə yerində əməliyyat şəraiti qiymətləndirilərkən məlum olub ki, 1996-cı il təvəllüdlü Həbilli Fərid Feyruz oğlunun idarə etdiyi “VAZ 2106” markalı, 01 BC 821 dövlət nömrə nişanlı minik avtomobili yoldan çıxaraq su kanalına düşüb.
Avtomobildə olan iki kişi və sürücü avtomobildən özləri çıxıblar. Lakin qadın sərnişin aldığı xəsarətlərdən ölüb. Hadisə yerinə çatmış Xüsusi Riskli Xilasetmə Xidmətinin xilasedici-dalğıcları avtomobildə sıxılmış vəziyyətdə qalmış qadının cəsədini xüsusi alət və avadanlıqlarla avtomobildən çıxarıb, hadisə yerinə çağırılmış Təcili Tibbi Yardım Stansiyasının və hüquq-mühafizə orqanları əməkdaşlarına təhvil veriblər.
***
saat 10:26
Bakı. Hafiz Heydərov - APA. Abşeron rayonunda ölümlə nəticələnən yol qəzası baş verib. APA-nın Fövqəladə Hallar Nazirliyinin saytına istinadən verdiyi məlumata görə, Ceyranbatan qəsəbəsində “VAZ” markalı minik avtomobili su kanalına düşüb. Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb olunub. Hadisə yerində əməliyyat şəraiti qiymətləndirilərkən məlum olub ki, 1 nəfər sərnişin deformasiyaya uğramış nəqliyyat vasitəsində sıxılmış vəziyyətdə qalıb. Xilasedicilər təhlükəsizlik qaydalarına riayət etməklə cəsədi avtomobildən çıxarıb və aidiyyəti üzrə təhvil verib, habelə ərazidə müvafiq təhlükəsizlik tədbirləri görüblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
