Bakı. Gülnar Bəşirova-APA. Azərbaycan paytaxtında həftəsonu iki günvurma hadisəsi qeydə alınıb. Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini Oqtay Şahmalıyev APA-ya açıqlamasında günvurma ilə bağlı müraciətlərə dərhal reaksiya verildiyini, hər iki şəxsin tez bir vaxtda xəstəxanaya çatdırıldığını deyib. Gün vuran şəxslər ilkin yardım göstərildikdən sonra evə buraxılıblar. Həmin şəxslərdə qan təzyiqinin enməsi müşahidə olunub.