Şabran. Vəli Turan – APA. Ötən gün axşam saatlarında Gəndob-Yalama avtomobil yolunun Şabran rayonu Ağalıq kəndi ərazisindən keçən hissəsində yol-nəqliyyat hadisəsi baş verib.
APA-nın şimal bürosunun verdiyi məlumata görə, Bakı şəhər sakini, 33 yaşlı Jalə Əliyevanın idarə etdiyi 90 UF 156 dövlət nömrə nişanlı, “Mercedes” markalı minik avtomobili idarəetmədən çıxaraq dəmir maneəyə çırpılıb.
Nəticədə sürücü Jalə Əliyeva və onun sərnişini, Şabran rayonu Şahnəzərli kənd sakini, 40 yaşlı Sevda Ələkbərova müxtəlif dərəcəli xəsarətlər alaraq Xaçmaz Mərkəzi Rayon Xəstəxanasına yerləşdirilib. Onlara ilkin tibbi yardım göstərildikdən sonra ambulator müalicə üçün evə buraxılıblar.
Hadisənin dəqiq başvermə səbəbləri Baş Dövlət Yol Polisi İdarəsinin istintaq və təhqiqat bölməsində aparılan araşdırmaların sonunda məlum olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
