Bakı. Viktoriya Dementyeva – APA. Azərbaycan İslam Əməkdaşlıq Təşkilatının Cammu-Kəşmir məsələsi üzrə əlaqə qrupuna daxil olmaq barədə təklifi öyrənir. APA-nın xəbərinə görə, bunu jurnalistlərə açıqlamasında Azərbaycan XİN-in mətbuat xidmətinin rəhbəri Elman Abdullayev deyib. O bildirib ki, Azərbaycanın beynəlxalq miqyasda nüfuzu və ölkəyə duyulan etimad artır: “Azərbaycanın Cammu-Kəşmir üzrə İƏT əlaqə qrupuna dəvət edilməsi ilk belə hal deyil. Ölkəmiz əvvəllər də müxtəlif əlaqə qruplarına dəvət edilib. Hazırda biz bu təklifi nəzərdən keçiririk”.
Xatırladaq ki, təklif İƏT-in Qahirədə keçirilən zirvə toplantısı zamanı daxil olub.